Tuesday, December 29, 2009

ပြေလည်ရာပြေလည်ကြောင်း

ကျွန်တော်တို့ဤကဗျာ(ဘလော့တင်ထားသော)စုစည်းမှုလေးအား မူရင်းဘလော့များမှ ကျွန်တော်တို့ကြိုက်နှစ်သက်သောကဗျာများအား အလျင်းသင့်သလိုကူးယူဖော်ပြသွားမည်ဖြစ်ကြောင်း ဘလော့ပိုင်ရှင်များအားအသိပေးအပ်ပါသည်။
ကူးယူဖော်ပြသောဘလော့နာမည်များအား အခြေအနေအရ ဖော်ပြနိုင်ခြင်းမပြုခြင်းအတွက် အလေးအနက်တောင်းပန်အပ်ပါသည်။
ကဗျာကောင်းလေးများအား တစ်နေရာထဲ တစ်စုတစ်ဝေးထဲ အလွယ်တစ်ကူဖတ်ရှုနိုင်စေရန် ရည်ရွယ်ရင်းဖြစ်ပါသည်။ အနည်းငယ်လိုအပ်ချက်များ ရှိနိုင်မည်ကို သိရှိသော်လည်း ဤကဗျာ(စုစည်းမှု)ဘလော့လေးအား ကဗျာဖတ်ရှုလိုသူ ပရိသတ်လက်ထဲ အရောက်လွှတ်တင်ပေးလိုက်ပါသည်။
ကဗျာဘလော့ဖန်တီးသူများအား အစဉ်လေးစားလျှက်။

ဖန်တီးတင်ဆက်သူများ

သားလေးမြိုင်ရပ်နှင်

အဖေ့ပြည်တွင်းရေးမှာ
ကျနော်က စစ်ပြေးဒုက္ခသည်
ဘ၀နယ်နိမိတ်မျဉ်းစပ်မှာ
သံဆူးကြိုးအထပ်ထပ်နဲ့
လက်နက်ကိုင်အစောင့်အကြပ်တွေကြား
ကျနော်လူလားမြောက်လာ

ကျနော်ငှက်ဥနှိုက်တမ်း မကစားဖူးဘူး
ကြီးပြင်းလာတော့ ပျားဖွတ်သမားလည်း မဟုတ်ဘူး

ကျနော့်နိုင်ငံစစ်ရှုံးတော့
သားလေးက သုံ့ပန်း
တကျွန်းစံ၊ နံရံပေါ်ဝလုံးရေးကျင့်ရင်း
လောကယမ်းငွေ့တွေကြား
ဖေဖေ့ရုပ်ပုံလွှာ မင်းပုံဖော်ကြည့်နေမလား

ဖေဖေ ငှက်ဥနှိုက်တမ်းမကစားဖူးဘူး
ကြီးပြင်းလာတယ် ပျားဖွတ်သမားလည်း မဟုတ်ခဲ့ဘူး။ ။

(ဟန်သစ်မဂ္ဂဇင်း ၂၀၀၂)
(ပိတောက်မြေမဂ္ဂဇင်း ၂၀၀၄)

ညီအစ်ကိုမိုနိုလော့

စကားပိုပြောတယ်ထင်ရင်လည်း မတတ်နိုင်ဘူး ရောမန္တိကလေသံကဲနေတယ် ထင်ရင်လည်း မတတ်နိုင်ဘူးတစ်ယောက်ကအစ်ကို တစ်ယောက်ကညီ ငါ့မှာ တတ်နိုင်တာကလည်း စကားတွေပဲရှိတာကိုး မင်းတို့ မတတ်နိုင်ဖြစ်နေတဲ့ဇယားတွေလည်း
ငါမြင်နေရတာကိုး ငါ့မှာမဖြစ်ပေမယ့် မင်းတို့နဲ့ထပ်တူငါခံစားရတာကိုးကွာ အဲဒါကတော့ ခံစားသူကဗျာဆရာကြီးဆိုတာထက် သွေးသားက စကားပြောတာပဲဖြစ်မယ် ဒါမှမဟုတ်စကားသွေးက ပြောတဲ့အသားတွေလည်း ဖြစ်ကောင်းဖြစ်နိုင်တယ် ဘာဖြစ်ဖြစ် ငါ့အစ်ကိုမှာ အလုပ်မရှိတာ ငါ့အလုပ်ပဲ ငါ့ညီမှာအဆင်မပြေတာ ငါ့အပူပဲ ထို့အတူ ငါ့မှာပါလာတဲ့ ပျော့ညံ့ချက် ငါ့မှာကြုံရဆုံရတဲ့ ဘုံဘ၀အခက်အခဲ ဆိုပါစို့ ငါ့ဖြစ်အင် ငါ့စိတ်နဲ့နှိုင်းပြီးကြည့်ရင် မင်းတို့တွေက နိုးပလော်ပလင်ပဲ ပျင်းတောင်ပျင်းသေးတယ်ဟေ့ပဲ ဒါပေမယ့်ငါနားလည်ရုံနဲ့တော့မင်းတို့ကိစ္စကမပြီးဘူးငါကငါ့အစ်ကိုဒင်ပရယ်ရှင်မီးခိုးတွေအူထွက်နေတာနဲ့ထွက်ရတဲ့အကြောင်းအရင်းတွေ နားလည်ထားပေမယ့် မင်းအဖေနဲ့ မင်းမိန်းမက ညံ့ဖျင်းတဲ့ အိမ်ထောင်ဦးစီးလို့ နားလည်ထားတယ် ငါက ငါ့ညီရဲ့ ရိုးသားကြိုးစားခြင်းရောရိုးအနွားကျခြင်းကိုရောနားလည်ထားပေမယ့်မင်းအမေကမင်းရိုးသားကြိုးစားခြင်းပဲနားလည်ထားပြီးမင်းကောင်မလေးက မင်းရိုးအနွားကျခြင်းကို နားလည်ထားတယ် နားမှမလည်ဘဲ မင်းတို့အသိုင်းအ၀ိုင်း မင်းတို့ပတ်ဝန်းကျင်အတွက်ဆိုရင်တော့ မင်းတို့ဟာ ရှောင်သွေလွဲရမယ့်ကောင်တွေ ဖြစ်သွားပြီ ကိုယ်ဖြစ်ချင်တာတစ်ခုပဲ နားလည်တာကတော့ လူတွေရဲ့ဓလေ့လိုဖြစ်သွားပြီ မင်းတို့ အားကစားထူးချွန်တာကျ သူတို့နားလည်လား မင်းတို့ အိုင်ကျူလူတော်တွေမဟုတ်ပေမယ့် အီးကျူလူကောင်းတွေဆိုတာကျ သင်းတို့နားလည်မလား မင်းတို့မှာလည်း မင်းတို့(အရာရာနဲ့) အကြောင်းကြောင်းနဲ့ မင်းတို့ ရှိတယ်ဆိုတာ ဒင်းတို့နားလည်ပါ့မလားကွာ ဘယ်လိုကောင်းမွန်တဲ့ လုပ်ရပ်ဖြစ်နေပစေ ငွေစွမ်းအင်မထွက်ဘူးဆိုရင် မင်းဟာက အလုပ်မဖြစ်ဘူး၊ မင်းဟာက အလုပ်မဟုတ်ဘူးလို့ မြို့ကျဉ်းကျဉ်းလေးကမြို့သားတွေ နားလည်ထားကြတာ မင်းတို့ထက်အရင် ငါက အထိနာထားပြီးပြီ ခဲအကြီးကြီးမှန်ထားပြီးပြီ အပြစ်တွေလျှောက်ဖို့ရင်တော့ ဘုရားသခင်တောင်ကျန်မှာမဟုတ်ဘူး သူရို့တရားပျက်ရင်လည်း ပျက်ပေါ့ကွာ အဲဒီ အပျက်အစီးပုံကြီးကြားမှာ ငါတို့ဘာလုပ်နိုင်လဲ ငါတို့ ‘ရွှေ’ ရအောင်ဘယ်လိုကျင်မလဲ မင်းတို့ဘောလုံးစကားနဲ့ဆို အချိန်ပိုအထိမျှော်လင့်ချက်ရှိတယ် မပျော့ဖို့ မပေါ့ဖို့ မလျော့ဖို့ လောက်တော့ လက်ရုံးရည်သမားမင်းတို့ကို နှလုံးရည်သမားငါက ပြောရင် ရယ်စရာဖြစ်ဦးမယ် ယူတိုပီးယားဖြစ်ဦးမယ် ညစ်မနေနဲ့ ငါ့အစ်ကို၊ လေမနေနဲ့ ငါ့ညီ ဒုက္ခတွေမျှဝေဖို့ ဒါမှမဟုတ် ရှောင်ရန်စံပြမှာ ထားဖို့ မင်းတို့ရှေ့မှာ ငါ ကဗျာဆရာကြီး တစ်ယောက်လုံး ရှိပါသေးတယ်။ ။

မောင်ယုပိုင်

Sunday, December 27, 2009

ဆွေးပေါ့ မင်းတို့ ငါတို့သည်လည်း

အစားအစာစားရင်း
အစားဟောင်းစွန့်ရင်း
ချာချာလည်ရင်း
မင်းတို့ငါတို့သည်လည်း
ပေါ့ပေါ့နေပေါ့ပေါ့စားလမ်းများဆီအလုအယက်
ပေါ့ပေါ့နေ ပေ့ါပေါ့စား အိပ်ယာများဆီအလုအယက်
ပေါ့ပေါ့နေ ပေါ့ပေါ့စား သင်တန်းများဆီအလုအယက်
မင်းတို့ငါတို့သည်လည်း
ဘာလုပ်ရမှန်းမသိမှောက်ချည်လှန်ချည်ဆိုတော့
အဆွေးသမားတစ်ယောက်ဖြစ်ဖို့ အမြဲအဆင့်သင့်ဖြစ်နေတဲ့
ရာသီဥတုမှာ ဆွေးပေါ့
ပထွေးနှိပ်စက်လို့ပါဆိုတဲ့ ကလေးမလောက်တောင်
ဈေးခေါ်လို့မကောင်းတော့ဆွေးပေါ့
မင်းတို့ငါတို့သည်လည်း
ဆွေးပေါ့ အ၀တ်အထည်များနှင်အတူတကွ
ဆွေးပေါ့ စာချုပ်စာတမ်းများနှင့်အတူတကွ
ဆွေးပေါ့ နာရေးကြော်ငြာများနှင့်အတူတကွ
မင်းတို့ငါတို့သည်လည်း
စိုးစိတ်နှင့်ခပ်မဆိတ်
ဦးဆွေးဆံမြေ့သစ္စာစောင့်သိခဲ့ရတော့
အရိုးလည်းဆွေးပေါ့
ဆွေးလို့သေတဲ့မသာဆိုတာ မရှိသေးတော့
ဆွေးလို့သေတဲ့မသာရှိလာတဲ့အထိ အဆွေးကြီးဆွေးပေါ့
မင်းတို့ငါတို့သည်လည်း
ဆွေးနေတဲ့သီချင်းများကို နားထောင်ရင်း
ဆွေးနေတဲ့ ကြမ်းများကို နင်းကြရင်း
ဆွေးနေတဲ့ ဓားများကို သွေးကြရင်း

ကြည်ဇော်အေး
(စတိုင်သစ်၊ ဇွန်လ၊ ၂၀၀၇)